मराठा सेवा संघ, संभाजी ब्रिगेड तथा शिवजन्मोत्सव आयोजन समिती यांच्या वतीने अडेगाव येथे 18 व 19 फ्रेबुवारीला शिवजन्मोत्सव सोहळ्याचे आयोजन करण्यात आले आहे.

    या कार्यक्रमाच्या उदघाटनीय कार्यक्रमाला 18 फेब्रुवारीला सुरवात होणार आहे. या कार्यक्रमाचे उदघाटनला सायं. 6 वाजता सुरवात होणार आहे. या प्रसंगी उदघाटक म्हणून आमदार प्रतिभा धानोरकर, स्वागताध्यक्ष संजय खाडे पणन महासंघ मुंबई संचालक, कार्यक्रमाचे अध्यक्षनितेश ठाकरे शिवजन्मोत्सव आयोजन समिती विशेष अतिथी अजय धोबे जिल्हाध्यक्ष संभाजी ब्रिगेड, तर सत्कारमूर्ती आमदार सुधाकर अडबाले, माजी आमदार वामनराव चटप यांना निमंत्रित करण्यात आले आहे. तर प्रमुख पाहुणे म्हणून ठाणेदार संतोष मनवर यांच्या सह अनेकांची उपस्थिती राहणार आहे. तर संध्याकाळी 8 वाजता सप्त खंजेरी वादक पवनपाल महाराज यांच्या समाज प्रबोधन पर कीर्तनचा कार्यक्रमाचे आयोजन करण्यात आले आहे. तर 19 फेब्रुवारीला सायंकाळी 5 वाजता शोभायात्रेसह भव्य मिरवणुकीचे आयोजन करण्यात आले आहे. तर समारोपीय कार्यक्रमाला 8 वाजता सुरुवात होणार आहे. यावेळी महिला सक्ष्मीकारण व छत्रपती शिवाजी महाराज या विषयावर तेजस्विनी गव्हाणे यांचे जाहीर व्याख्यान होणार आहे आहे. या कार्यक्रमाला स्वागताध्यक्ष म्हणून मराठा सेवा संघ तालुकाध्यक्ष केतन ठाकरे व अध्यक्ष म्हणून संभाजी ब्रिगेड तालुकाध्यक्ष आशिष झाडे, यांच्यासह अनेकांची उपस्थिती राहणार आहे. यावेळी शासकीय सेवेत निवड झालेल्या गुणवंताचा सत्कार आयोजकाकडून घेण्यात येणार आहे. या कार्यक्रमाला परिसरातील नागरिकांनी उपस्थित राहण्याचे आवाहन मराठा सेवा संघ, संभाजी ब्रिगेड, शिवजन्मोत्सव आयोजन समिती मार्फत करण्यात आले.